வடக்கு, வட மத்திய, வடமேல் மாகாணங்கள் மற்றும் திருகோணமலை, மாத்தளை மாவட்டங்களுக்கு சிறிலங்கா வளிமண்டலவியல் திணைக்களம் சிவப்பு எச்சரிக்கை விடுத்துள்ளது.

மேற்படி பகுதிகளில் எதிர்பாராத விதமாக பலத்த காற்று வீசும் என்றும், இங்கு காற்றின் வேகம்,  70 – 80 கி.மீ வரை செல்லக் கூடும் என்றும்,  எச்சரிக்கை விடுக்கப்பட்டுள்ளது.

ஏனைய இடங்களில் காற்றின் வேகம் மணிக்கு 55 – 65 கிமீ வேகத்தை எட்டும் என்றும் தெரிவிக்கப்பட்டுள்ளது.

பிற்பகல் வேளைகளிலேயே இந்த நிலை இருக்கும் என்றும் தெரிவித்துள்ள வளிமண்டலவியல் திணைக்களம், மன்னார், காங்கேசன்துறை மற்றும் திருகோணமலை வழியாக-  நீர்கொழும்பில் இருந்து மட்டக்களப்பு வரையான,  கடல் பகுதிகள் மிகவும் கொந்தளிப்பாக இருக்கும் என்றும் எச்சரித்துள்ளது.

காற்றின் வேகம் சில வேளைகளில் 60 – 70 கிமீ வரை அதிகரிக்கும் எனவும் கூறப்பட்டுள்ளது.