அமெரிக்க டொலருக்கு எதிராக, சிறிலங்கா ரூபாவின்  மதிப்பு தொடர்ந்து சரிந்து வருகிறது.  சிறிலங்கா மத்திய வங்கியின் தரவுகளின்படி, இன்று  அமெரிக்க டொலரின்  விற்பனை விலை ரூ. 331 ஆக உயர்ந்துள்ளது.

அமெரிக்க டொலரின் வாங்கும் விலை, ரூ. 322.28-இல் இருந்து இன்று  ரூ. 323.53-ஆக அதிகரித்துள்ளது.

அதேவேளை, அமெரிக்க டொலரின் விற்பனை விலை, ரூ. 329.92- இல் இருந்து ரூ. 331.72-ஆக அதிகரித்துள்ளது.

2023 டிசம்பர் 22ஆம் நாள், அமெரிக்க டொலரின் விற்பனை விலை ரூ. 331.30 ஆக இருந்த பின்னர்,  இதுவே மிக உயர்ந்த விற்பனை விலையாகும்.

அதேவேளை இன்று சில வர்த்தக வங்கிகளில் அமெரிக்க டொலரின் விற்பனை விலை, 332 ரூபாவைத் தாண்டியுள்ளது.