கடந்த ஆண்டின் ஏப்ரல் மாதத்துடன் ஒப்பிடும் போது,  2026 ஏப்ரல் மாதத்தில் நிலக்கரி மூலமான மின்சார உற்பத்தியில் ஏற்பட்ட பெரும் சரிவினால், சிறிலங்காவுக்கு  4.5 பில்லியன் ரூபாய்க்கும் அதிகமான இழப்பு  ஏற்பட்டிருக்கலாம் என கணிக்கப்பட்டுள்ளது.

இந்தப் பற்றாக்குறையை ஈடுசெய்வதற்காக,  அதிக விலையுள்ள டீசல் மூலமான மின் உற்பத்தியைச் சார்ந்திருக்க வேண்டிய கட்டாயத்திற்கு நாடு தள்ளப்பட்டதாக மின்சாரத் துறை தரவுகள் காட்டுகின்றன.

2026 ஏப்ரல் மாதத்தில், நிலக்கரி மூலமான மின்சார உற்பத்தி, 2025 ஏப்ரல் மாதத்தை விட மணிக்கு 27 ஜிகாவாட் (GWh) குறைவாக இருந்தது.

தொழில்துறை கணக்கீடுகளின்படி, ஒரு  கிலோவாட் மணிக்கு- 0.3 லிட்டர் என்ற நிலையான நுகர்வு விகிதத்தின் அடிப்படையில், இழக்கப்பட்ட 27 ஜிகாவாட்-மணி மின்சாரத்தை  டீசல் மின் நிலையங்கள் மூலம் உற்பத்தி செய்வதற்கு கிட்டத்தட்ட 8.1 மில்லியன் லீற்றர் எரிபொருள் தேவைப்படும்.

ஒரு பீப்பாய் எரிபொருளின் விலை சுமார் 286 அமெரிக்க டொலர் அல்லது ஒரு லீற்றருக்கு  1.80 அமெரிக்க டொலர் என மதிப்பிடப்பட்டுள்ள நிலையில், மாற்று மின்சாரத்திற்கு சுமார் 14.57 மில்லியன் அமெரிக்க டொலர் செலவாகியிருக்கும்.

நாணய மாற்று விகிதத்தின் அடிப்படையில், ஏப்ரல் மாதத்திற்கு மட்டும் மின்சாரத்தை உற்பத்தி செய்ய  4.5 பில்லியன் ரூபாய் மேலதிக செலவு ஏற்பட்டிருக்கும் என்று எரிசக்தித்துறை ஆய்வாளர்கள் தெரிவித்துள்ளனர்.