யாழ்ப்பாணம் – செம்மணி சித்துப்பாத்தி  மனித புதைகுழிகளில் இருந்து மேலும், 3 மனித எலும்புக்கூட்டுத் தொகுதிகள் அடையாளம் காணப்பட்டுள்ளன.

மனிதப் புதைகுழிகளின்  இரண்டாம் கட்ட அகழ்வின், 26ஆவது நாளான நேற்று, கண்டுபிடிக்கப்பட்ட  3 மனித எலும்புக்கூட்டுத் தொகுதிகளுடன் சேர்த்து, இதுவரை அடையாளம் காணப்பட்ட எலும்புக்கூட்டுத் தொகுதிகளின் எண்ணிக்கை, 118 ஆக அதிகரித்துள்ளது.

அதேவேளை ஏற்கனவே அடையாளம் காணப்பட்ட 3 மனித எலும்புக்கூட்டுத்  தொகுதிகள், நேற்று முழுமையாக அகழ்ந்தெடுக்கப்பட்டன.

இதையடுத்து,  முழுமையாக மீட்கப்பட்டுள்ள மனித எலும்புக்கூட்டுத் தொகுதிகளின் எண்ணிக்கை 105ஆக உயர்ந்துள்ளது.

இன்று தொடர்ந்து 27ஆவது நாள் அகழ்வுப் பணிகள் இடம்பெறவுள்ளன.