சாவகச்சேரி, மறவன்புலவு பகுதியில், தற்கொலைத் தாக்குதல் அங்கி, கிளைமோர்கள் உள்ளிட்ட வெடிபொருட்கள் மீட்கப்பட்ட, வீட்டில் இருந்து தப்பிச் சென்ற இளைஞர் இன்று கிளிநொச்சிப் பகுதியில் வைத்து கைது செய்யப்பட்டுள்ளதாக சிறிலங்கா காவல்துறையினர் தெரிவித்துள்ளனர்.

அக்கராயன் பகுதியில் வைத்து இன்று காலை அவர் கைது செய்யப்பட்டதாக காவல்துறை தலைமையகம் தெரிவித்துள்ளது.

31 வயதுடைய இந்த இளைஞரின் பெயர் எட்வின் என்றும் கூறப்படுகிறது. இவரே அந்த வீட்டின் உரிமையாளர் என்றும் சந்தேகிக்கப்படுகிறது.