நாம் விரும்பாத ஒன்றாக இருந்தாலும், நாடு போர்க்காலம் போன்ற ஒரு சூழ்நிலைக்குள் சிக்கியுள்ளதாக  பொதுப் பாதுகாப்பு பிரதி அமைச்சர் சுனில் வட்டகல  தெரிவித்துள்ளார்.

நேற்று சிறிலங்கா நாடாளுமன்றத்தில் அவசரகாலச் சட்ட நீடிப்பு பிரேரணை மீது உரையாற்றிய போதே அவர் அதனைக் குறிப்பிட்டுள்ளார்.

அண்மைய வரலாற்றில் இல்லாத ஒரு சூழ்நிலையை நாடு இப்போது எதிர்கொண்டுள்ளது.

தற்போதைய நிச்சயமற்ற சூழ்நிலையில், யாரும் பாதிக்கப்பட்டவர்களாக மாறலாம் அல்லது எவ்வாறு பாதிக்கப்படலாம் என்பதை கணிக்க முடியாது.

காலி கடல் எல்லைக்கு அருகில் ஈரானிய கடற்படைக் கப்பலான ஐஆர்ஐஎஸ் டேனா சம்பந்தப்பட்ட அண்மைய சம்பவங்கள், அதிகரித்து வரும் நெருக்கடிக்கு ஒரு எடுத்துக்காட்டு.

கராப்பிட்டிய மருத்துவமனை திடீரென எதிர்கொண்டது  போன்ற பொறுப்புகளை எப்போது, ​​எப்படி, அல்லது வேறு யார் ஏற்க வேண்டியிருக்கும் என்பதை எங்களால் கணிக்க முடியாது.

இதுபோன்ற ஒரு சூழ்நிலை, எமது நாட்டு மக்களின் வாழ்க்கையில் ஏற்படுத்தும் தாக்கத்தை முன்கூட்டியே கணிக்க முடியாது.

போர்ச் சூழலில் இருந்து, ஆயிரக்கணக்கான மைல்கள் தொலைவில் உள்ள கராப்பிட்டிய மருத்துவமனை ஒரே நாளில்,சடலங்களால் நிரம்பியது.

அதனால்தான் நாம் தயாராக இருக்க வேண்டும். அதனால்தான் நாம் தடுப்பு நடவடிக்கைகளை எடுக்க வேண்டும்.

அவசரகால நிலையை நீடிப்பது எமக்கு அயன் டோம் பாதுகாப்பை வழங்காது, ஆனால் அது முடிந்தவரை தயாராக இருப்பதற்கான வாய்ப்பை எமக்கு வழங்கும் என்றும் பிரதி அமைச்சர் சுனில் வட்டகல மேலும் தெரிவித்துள்ளார்.