அமெரிக்க கடலோரக் காவல்படையின் முன்னாள் கப்பலான USCG DECISIVE சிறிலங்கா கடற்படையில் இணைந்து கொள்வதற்காக, மேரிலான்டின், பால்டிமோர் துறைமுகத்தில்  இருந்து  சிறிலங்கா நோக்கி நேற்று புறப்பட்டுள்ளது.

இந்தக் கப்பல் சிறிலங்கா கடற்படையில் இணைந்த பின்னர், போதைப்பொருள் கடத்தல் மற்றும் கடத்தலை எதிர்ப்பதற்கு சிறிலங்காவின் திறனை வலுப்படுத்தும்.

தேடுதல் மற்றும் மீட்பு நடவடிக்கைகளை மேற்கொள்வதற்கும்,  உலகளாவிய வர்த்தகத்தை இயக்கும் முக்கியமான இந்தியப் பெருங்கடல் கடல் பாதைகளைப் பாதுகாப்பதற்கும் பணியாற்றும்.

இந்த பரிமாற்றம் கடல்சார் பாதுகாப்பிற்கான பகிரப்பட்ட பொறுப்பை வலுப்படுத்துகிறது என கொழும்பில் உள்ள அமெரிக்க தூதரகம் தெரிவித்துள்ளது.

சிறிலங்கா கடற்படையில் இதனுடன் சேர்த்து, 4 முன்னாள் அமெரிக்க கடலோர காவல்படை கப்பல்கள் இணைந்துள்ளன.

இது ஆழ்ந்த நம்பிக்கை, இயங்குதன்மை மற்றும் கடலில் வளர்ந்து வரும் அமெரிக்க-சிறிலங்கா செயல்பாட்டு கூட்டாண்மையை பிரதிபலிக்கிறது என்றும் அமெரிக்க தூதரகம் தெரிவித்துள்ளது.