விலைகள் குறைப்பு, ஊதிய அதிகரிப்பு – அள்ளிவீசப்பட்டுள்ள பொருளாதார சலுகைகள்
சிறிலங்கா நாடாளுமன்றத்தில் இன்று சமர்ப்பிக்கப்பட்ட புதிய அரசாங்கத்தின் 2015ம் ஆண்டுக்கான இடைக்கால வரவுசெலவுத் திட்டத்தில், பெருமளவு பொருளாதாரச் சலுகைகள் அறிவிக்கப்பட்டுள்ளன.
இன்று பிற்பகல் நிதியமைச்சர் ரவி கருணாநாயக்கவினால் நாடாளுமன்றத்தில் சமர்ப்பிக்கப்பட்டுள்ள வரவுசெலவுத் திட்டத்தில், அறிவிக்கப்பட்டுள்ள சில பொருளாதார சலுகைகளின் விபரங்கள் வருமாறு-
- முன்னைய அரசாங்கத்தினால் 2015ம் ஆண்டு சிறிலங்கா அதிபரின் செலவுகளுக்கு ஒதுக்கப்பட்ட நிதி 9,593 கோடி ரூபாவில் இருந்து, 290 கோடி ரூபாவாக குறைப்பு.
- அரச பணியாளர்களின் ஊதியம் பெப்ரவரி மாதம் 5,000 ரூபாவால் அதிகரிப்பு, ஜூன் மாதம் முதல் மேலும் 5,000 ரூபா அதிகரிப்பு.
- தனியார்துறை பணியாளர்களின் மாத ஊதியத்தை 2,500 ரூபாவால் அதிகரிக்குமாறு கோரிக்கை.
- ஓய்வூதியக் கொடுப்பனவு 1,000 ரூபாவால் அதிகரிப்பு.
- சமுர்த்திக் கொடுப்பனவு 100 சதவீதம் முதல் 200 சதவீதம் வரை அதிகரிப்பு.
- பிறக்கும் குழந்தைகள் மற்றும் அவர்களில் தாய்மாருக்கு 2 ஆண்டுகள் வரை கொடுப்பனவு.
- வர்த்தக வங்கிகளில் விவசாயிகள் பெற்ற கடனில் 50 சதவீதம் தள்ளுபடி.
- சிறிய ரக உழவு இயந்திரங்கள் குறைந்த விலையில் பெற்றுக் கொடுக்கப்படும்.
- உரமானியம் தொடர்ந்து வழங்கப்படும்.
- கொழும்பு நகரில் மீண்டும் குடியேறும் மக்களுக்கு நிவாரணம்.
- சிறுநீரக நோயாளிகளின் கொடுப்பனவுக்காக 2,000 மில்லியன்.
- சுகாதாரத்துறைக்கான செலவு 3 சதவீதத்தால் அதிகரிப்பு.
- அரச மருத்துவமனைகளில் வெளிநோயாளர் பிரிவு 24 மணிநேரமும் திறந்திருக்கும்.
- மண்ணெண்ணெய் விலை லீற்றருக்கு 6 ரூபாவால் குறைப்பு.
- 13 அத்தியாவசியப் பொருட்களின் விலைகள் குறைப்பு.
- சீனியின் விலை 10 ரூபாவினால் குறைப்பு.
- 400கிராம் பால்மாவின் விலை 61 ரூபாவால் குறைப்பு.
- கோதுமை மாவின் விலை ரூ.12.50வினால் குறைப்பு.
- நெத்தலி கருவாட்டுக்கான வரி 15 ரூபாவால் குறைப்பு.
- பாசிப்பயறு விலை கிலோவுக்கு 30 ரூபாவால் குறைப்பு.
- கொள்கலனில் அடைக்கப்பட்ட மீன் விலை 60 ரூபாவால் குறைப்பு.
- கொத்தமல்லிக்கான வரி 30 ரூபாவால் குறைப்பு.
- உழுந்து விலை 60 ரூபாவால் குறைப்பு.
- சமையல் எரிவாயுவின் விலை 300ரூபாவால் குறைப்பு.
- மாசி கருவாடு விலை 200ரூபாவால் குறைப்பு.
- அரச வங்கிகளில் 2 இலட்சம் ரூபாவுக்கு குறைவாக பெறப்பட்ட நகை அடகுக்கடனுக்கான வட்டி தள்ளுபடி.
- சீமெந்து மூடையொன்றின் விலை 90 ரூபாவால் குறைப்பு.
- 5,000 ரூபாவாக இருந்த திருமண மற்றும் பதிவுக்கட்டணம் 1,000 ரூபாவாக குறைப்பு.
- அலைபேசிகளுக்கான மீள்நிரப்பு அட்டைக்கான வரி குறைப்பு.
- மகாபொல புலமைப்பரிசில் 5,000 ரூபாவால் அதிகரிப்பு.
- அறநெறிப்பாடசாலை ஆசிரியர்களுக்கு 200 ரூபா கொடுப்பனவு.
- மூத்த குடிமக்களுக்கான போக்குவரத்துக் கட்டணம் 50 சதவீதத்தால் குறைப்பு.
- மீனவர்களுக்கு ஆயுட் காப்புறுதி.
- அனைவரும் 250 ரூபாவுடன் வங்கிக்கணக்கு ஆரம்பிக்க நடவடிக்கை.