செம்மணிப் புதைகுழி அகழ்வில், வெளியக  தடயவியல் மற்றும் தொழில்நுட்ப உதவியை நாடுவது குறித்த ஐ.நா பரிந்துரையை பரிசீலித்து வருவதாக காணாமல் போனோருக்கான பணியகம் தெரிவித்துள்ளது.

சிறிலங்காவில் தற்போது நடைபெற்று வரும் பாரிய புதைகுழி அகழ்வுகளுக்கு அனைத்துலக தடயவியல் மற்றும் தொழில்நுட்ப உதவியை நாடுமாறு ஐ.நா மனித உரிமைகள் ஆணையாளர் பணியகத்தின் பரிந்துரைகளில் வலியுறுத்தப்பட்டுள்ளது.

இந்த நிலையில், ​​ இதுகுறித்து பரிசீலிக்கப்பட்டாலும், வெளிநாட்டு தொழில்நுட்ப வல்லுனர்களை ஈடுபடுத்துவதற்கான உரையாடல் அல்லது உறுதியான நடவடிக்கைகள் இந்த கட்டத்தில் மேற்கொள்ளப்படவில்லை என்று காணாமல் போனோருக்கான பணியகத்தின் தலைவர் மகேஷ் கட்டுலந்த, தெரிவித்துள்ளார்.

இந்த செயல்முறை நீதித்துறை வழிகாட்டுதலின் கீழ் கண்டிப்பாக வரையறுக்கப்பட்டுள்ளதாகவும் அவர் கூறியுள்ளார்.

“நாங்கள் இப்போது மாதிரியை மட்டுமே எடுக்கிறோம். தோண்டி எடுக்கப்பட்ட அனைத்து பொருட்களும் தற்போது யாழ்ப்பாண நீதிவான் நீதிமன்றத்தின் ஊடாக உள்நாட்டில் பதப்படுத்தப்பட்டு வருகிறது.

மினசோட்டா நெறிமுறை போன்ற அனைத்துலக கட்டமைப்பை ஏற்றுக்கொள்வது தொடர்பான ஐ.நா. பரிந்துரையை , பரிசீலித்த போதிலும், மேம்பட்ட தடயவியல் உள்கட்டமைப்பு உள்ள நாடுகளில் இருந்து வெளியக நிபுணர்களைப் பெற்றுக் கொள்வதற்கான எந்த விவாதமும் தற்போது இல்லை.

சிறப்பு சோதனை பொதுவாக வெளிநாட்டு அதிகார வரம்புகளில் நடத்தப்பட்டது, சுவிட்சர்லாந்து, ஜப்பான் அல்லது புளோரிடா மற்றும் டெக்சாஸ் போன்ற அமெரிக்க மாநிலங்களில் உள்ள வசதிகளைக் குறிப்பிடுகிறது.

நீதித்துறையிடமிருந்து வெளிப்படையான அறிவுறுத்தல்கள் இல்லாமல் காணாமல் போனோருக்கான பணியகம் வெளிநாட்டு உதவியை முன்கூட்டியே தேடவோ அல்லது தொடங்கவோ முடியாது.

எல்லாவற்றையும் படிப்படியாகப் பின்பற்ற வேண்டும். நீதிமன்றத்தின் வழிகாட்டுதலுக்காக நாங்கள் காத்திருக்கிறோம்,” என்றும் அவர் கூறினார்.