அடுத்த ஆண்டு ஜனவரி 1 ஆம் திகதி முதல் சிறிலங்காவில் இருந்து ஏற்றுமதி செய்யப்படும் மீன்கள் அமெரிக்காவிற்குள் நுழைவது தடை செய்யப்படும் என்று அமெரிக்கா அறிவித்துள்ளது.

அமெரிக்காவின் கடல் பாலூட்டி பாதுகாப்புச் சட்டத்தின் (MMPA) படி, கடல் பாலூட்டிகளைப் பாதுகாப்பதற்கான நடவடிக்கைகள் எடுக்கப்படுவதை சிறிலங்கா அரசாங்கம் உறுதி செய்யத் தவறியதால் இந்த தடை அறிவிக்கப்பட்டுள்ளது.

அமெரிக்காவின் தேசிய பெருங்கடல் கடல் மற்றும் வளிமண்டல நிர்வாகத்தால் (NOAA) வெளியிடப்பட்டுள்ள  அறிக்கையின்படி, அமெரிக்காவின் கடல் பாலூட்டி பாதுகாப்புச் சட்டத்தின் கீழ் மீன்வளத்திற்கான தேவைகளைப் பூர்த்தி செய்வதில் நான்கு  மீன்வளங்கள் அமெரிக்க மீன்வளத்துடன் ஒப்பிட முடியாதவை என்று கண்டறியப்பட்டுள்ளது.